Triplemente reprimía: asturiana, d'esquierda y muyer

Fai! va tar presente nel Claustru de la Universidá d'Uviéu tres de la cellebración esti 29 de mayu d'unos comicios onde dos de los representantes de la organización, nes facultaes de Pedagoxía y Xeoloxía, algamaron representación, sigún los datos provisionales ufríos pol portal oficial http://www.uniovi.es.

Amás, Fai! quedó a les puertes de sumar otros dos representantes más nes facultaes de Ciencies y Filoloxía, onde namás ún y trés votos respectivamente separtaron a los candidatos de tar nel Claustru Universitariu.

Fai!, a la espera de valorar con más fondura los resultaos, felicítase pola presencia de la esquierda soberanista asturiana nuna institución qu'había munchos años que nun tinía ente los sos miembros a nenguna organización que defendiera l'espaciu que güei pretende entamar a representar esti colectivu.

De la mesma manera, quier agradecer fonderamente a la xente que depositó'l so enfotu na representación estudiantil al traviés de Fai! y quier sorrayar que la presencia de la organización nel ámbetu universitariu nun va ser, como na mayoría de casos, pa pidir el votu "cada vegada qu'haya eleiciones" sinón que va tornase nuna presencia constante na vida de les y los estudiantes faciendo charres, asamblees abiertes y faciendo por llevar les esmoliciones y desixencies de la población estudiantil a los centros de discusión y decisión, onde seya posible un cambiu real nes polítiques que nos afecten a toes y toos.

Agora ye'l momentu: ¡faciendo la nuestra universidá!

Sacao del so web: cada vegada me presten más!

--------------------------------------------------------------

La esquierda soberanista asturiana va entrar nos muérganos de representación d'estudiantes na Universidá asturiana,poniendo como pegollos nel so programa la llucha polos derechos de les y los estudiantes, contra la mercantilización y privatización del enseñu y por una Universidá asturiana, non sexista y respetuosa col mediu ambiente.

Fai! tien programaos dellos actos pa esparder el so discursu ente la población estudiantil universitario d'Asturies, asina como pa poner la base pa la creación y articulación d'un movimientu independiente dende la esquierda en clave asturiana qu'axunte a la comunidá universitaria, que tresmita y combata les fondes problemátiques que carez l'enseñu, la situación llaboral de les y los estudiantes y titulaes y titulaos, asina como pa lluchar contra la situación d'apartheid llingüísticu y cultural que les sucesives alministraciones rectorales vienen calteniendo pa col patrimoniu asturianu.

Les eleiciones al Claustru cellébrense'l próximu día 29 de mayu y con elles, Fai! va entrar, nel mesmu mes de la so fundación, nun muérganu mui importante de gobiernu de la Universidá d'Asturies, sitiu nel que la organización va esponer énte l'equipu rectoral con V.Gotor al frente, les grandes deficiencies y carencies qu'anguaño arrastra la institución académica.

Facer Asturies dende tolos ámbetos de la sociedá civil ye'l nuesu camín. Esta estaya, la de les y los estudiantes d'Asturies, profesionales y trabayadores en formación qu'han puxar nel futuru pol País, nun pue ser menos.

El 29 de mayu, nes eleiciones al Claustru ténlo claro: Vota Fai!

-Faciendo la nuestra Universidá-

Prestóme lo d'esta xente. Mui vistoso anque un poco friki... A veces lo freak ta bien pa llamar l'atención.

Pelo demás...norabona a la xente que ta de día folgáu n'Uviéu!

Salú!

Esti vienres tuvimos manifestación pasada por orbayu n'Uviéu pola oficialidá.

Hai que siguir p'alantre!!

Déxovos con un video de "Fueya en Blancu":

Hola, bloguesfera asturiana!

esti ye'l mio requexín na rede pa falar de lo que me presta, cuntar les mios histories y denunciar lo que seya sangrino.

un saludu grande pa toes y toos!

(triplemente reprimía: asturiana, muyer y d'esquierda)