Triplemente reprimía: asturiana, d'esquierda y muyer

La organización, presente con estudiantes nel Claustru de la Universidá d'Uviéu, insta agora a la escuela de Maxisteriu, Rector y al Gobiernu asturianu a que reconduzan la situación de la única manera posible: dándo-y'l rangu de "mención" al asturianu al mesmu nivel que les otres árees docentes.

Fai! quier felicitar, per mediu d'esta nota de prensa, a los axentes sociales universitarios que refugaron l'intentu de sacar, otra vegada más, al idioma asturianu de les aules. Nesta ocasión impúsose la razón frente a la radicalidá de los mofientos postulaos anti-llingua asturiana, que namás buscaben eliminar tou rastru del idioma d'Asturies na formación del profesorau d'enseñanza primaria nun xestu que demuestra la so intolerancia, auto-odiu y despreciu pola cultura asturiana.

Asinamesmo, Fai! insta otra vuelta al Rector a cumplir les sos promeses electorales, meses dempués de qu'un miembru del claustru perteneciente a esta organización-y lo recordare na primer reunión del másimu órganu de debate universitariu. Pa los y les estudiantes de Fai!, "Vicente Gotor nun puede mirar pa otru llau mentres nes escueles y facultaes de la universidá qu'él gobierna se faen propuestes abiertamente illegales –en referencia a la non propuesta de la mención de llingua asturiana– presentaes como supuestamente democrátiques, polo que facemos una crítica abierta al so silenciu nestos díes previos a la votación de la Xunta d'Escuela de Maxisteriu".

Pa la xente de Fai! "agora ye'l momentu de que dean la cara lo mesmo la Conseyería d'Educación, Gobiernu asturianu y el Rector pa da-y una salida digna al conflictu, "dexando al marxe soluciones intermedies, insuficientes a toles lluces, que nun lleguen a los mínimos almisibles" como pa Fai! "quedó demostrao tres de la crisis de filoloxía que culminó cola aprobación d'un probetayu Mínor".

Pa la organización, "la movilización firme y ensin concesiones, de denuncia y desenmazcaramientu de postures d'imposición y anti-asturianes, ye l'únicu camín que puede llevar a la llingua asturiana al sitiu que-y correspuende nes instituciones y na universidá" n'alusión clara a la exitosa concentración entamada pola Xunta pola Defensa de la Llingua Asturiana y Xunta Moza esti mañana, na que participaron un centenar d'alumnos y profesores y que foi sofitada por dellos miembros de Fai!.

http://www.fai-asturies.org/principal.php?pag=lernot&id=56

Otres noticies fueron comentaes, onde nun faltó l'humor al que nos tienen avezaos dende la cadena de los obispos españoles profesionales como César Vidal y Jiménez Losantos.

http://www.fai-asturies.org/principal.php?pag=rad

Programa:

- Palestina y Xarxa d'Enllaç amb Palestina

- Noticies y burraes varies de César Vidal

- Más noticies globales (especial Jim. Losantos)

- Entrevista a YESCA (castiella)

Énte’l xenocidiu que vien careciendo’l pueblu palestín dende va más de 60 años desiximos:

1.       La retirada inmediata y ensin condiciones de les tropes asesines del estáu d’Israel de la franxa de Gaza que nos últimos díes acabaron cola vida de más de 700 homes, muyeres, neños y neñes.

2.       El desmantelamientu de los checkpoints – puestos de control colos que l’estáu sionista encarcela al pueblu palestín en Gaza y Cisxordania na so propia tierra, nun permitiendo l’atención mélica y el pasu de melicines, víveres, gas, lletricidá...nin la comunicación ente les dos árees separtaes de xurisdicción palestina.

3.       La creación inminente d’un estáu palestín en tola tierra de Palestina onde la soberanía resida nesi pueblu y que decida’l so futuru en total llibertá poniendo fin a la ocupación que vien sofriendo  como consecuencia d’un procesu colonial enxamás zarráu.

4.       L’entamu d’un procesu penal que lleve énte los tribunales internacionales a los responsables d’esti xenocidiu, mesmo n’Israel como nel restu del planeta que calla y otorga (USA, UE, estáu español...), cómplices de la masacre palestina.

5.       La ruptura imprescindible de rellaciones comerciales, institucionales, deportives de la Unión Europea, l’estáu español y d’Asturies col gobiernu terrorista d’Israel.

6.       Tamién facemos un llamáu al boicot popular de tolos productos israelíes (códigos de barres qu’entamen por “729”) por ser parte de la maquinaria económica del estáu terrorista-sionista.

¡¡PALESTINA LLIBERTÁ!! ¡¡LLIBERTÁ PA LOS PUEBLOS!!