Triplemente reprimía: asturiana, d'esquierda y muyer

D'esta miente, dende Fai! nun queremos que caigan nel escaezu los fechos del 23 de febreru de 1981, onde dellos destacamentos militares del estáu español, a cargu de puestos de mandu fascistes, llevaron a cabu un golpe d’estáu tomando’l parlamentu en Madrid y sacando los tanques a les cais de València.

Nesti sen, lloñe de reivindicar esti estáu, antidemocráticu y continuista col réxime franquista, al empar que de siguir versiones oficiales que nun llegaron más alló d’una investigación superficial y que nun s’axusten a la realidá de nenguna manera, hemos d’afitar qu’esti llevantamientu fascista sí trunfó a pesar de lo que nos quieren facer creyer.

El golpe d’estáu del 23 – F supunxo, en realidá, la coartada perfecta pa frenar cualquier tipu de procesu que pudiere finar col exerciciu del autodetermín plenu per parte de los pueblos y naciones del actual estáu español, y de la mesma manera, apaecía otra vuelta la escusa del miéu, la del “o tragamos esto o vamos tener más dictadura”. Asina, la mesma estratexa qu’emplegaren nel referéndum constitucional de 1978 volvió a ponese en marcha, como maquinaria qu’al traviés del amedranamientu de la población abocanaba les reivindicaciones de les cais.

Amás d’esto, nun podemos dexar de llau l’emplegu d’esti golpe como llaváu de cara -tan descaráu como falsu- pal rei d’España y los sos exércitos, dexando pa prau yá d’aquella cualquier tipu de consulta no qu’al pueblu se refier d’aceptación de la monarquía. Consulta qu’entá esperamos y demandamos.

Pero güei, a la mocedá d’anguaño, nun nos valen los sos vieyos argumentos del “dexar pa más alantre les grandes reformes, pa cuando nun peligren los sos rexímenes parademocráticos”. Dende Fai! consideramos que siguir, en plenu sieglu XXI, con un xefe d’estáu nomáu por criterios xenéticos ye un insultu a la intelixencia. Lo mesmo que la continuidá d’un estáu, como esti, qu’oprime social y nacionalmente a los pueblos qu’encarcela y aculturiza.

Por eso, equí y agora glayamos bien alto: ¡YÁ VALIÓ!

POLA DESAPAICIÓN DE TOLES MONARQUÍES

POR UNA REPÚBLICA ASTURIANA, SOCIALISTA Y SOBERANA.

Si te presten les pegatines, pues pidiles na seición del puestu de material d'esti web y unviámosteles per corréu.

Prósimamente, tará disponible'l vidiu de l'aición.

El sextu programa que Fai! vien editando na radio llibre n'asturianu Radio Sele cuntó con una entrevista internacional a la organización Agora - País Llionés que nos faló de la situación social y nacional del país. Amás, comentáronse munches noticies de calter global (Bolivia, Venezuela, Palestina, EH, Galiza...) asina como asturianes (casu Fer, 35, llingua y universidá...)

Fai! acusa de falta de voluntá política y cinismu al equipu rectoral col asturianu