Alministra'l to Blog

¡Crea'l to Blog yá! Fácil y de baldre

Triplemente reprimía: asturiana, d'esquierda y muyer

Archivu: Marzu 2009

23/03/2009 GMT 1

Fin de selmana combativu contra'l racismu y la represión

asturianrepublic @ 23:47

Esta fin de selmana Asturies vivió delles movilizaciones de calter antirracista y antirrepresivu. D'una parte, n'Uviéu, la Ruta contra'l racismu y la represión, entamaba una manifestación a les 13 hores sofitada por Fai!. Yá pela tarde, en Xixón, la Cordinadora Antifacista d'Asturies entamaba unes xornaes con charra, pasucais y conciertu antirrepresivu onde Fai! punxo un puestín de material propiu, nel contestu de la campaña del [35].

Dende Fai! queremos dar la norabona a la organización de dambes movilizaciones, tan necesaries como exitoses, que cuntaron col respaldu de munchos cientos de persones. Amás, resaltamos l'éxitu que supón el protagonismu de les y los migrantes en situación "irregular" na manifestación d'Uviéu, rompiendo barreres pa defender los sos derechos como nuevos y nueves ciudadanos y ciudadanes d'esti país.

¡¡Contra'l racismu, la xenofobia, la cacería urbana policial y pola DESPENALIZACIÓN DEL TOP MANTA!!

¡¡Contra la represión a les y los militantes antifascistes: ABSOLUCIÓN DE LES Y LOS 14 DE CANGUES!!

[35]

Panfletu Ruta contra'l racismu y la represión

Ruta contra'l racismu y la represión

19/03/2009 GMT 1

Entrevista a TXOMIN n'Ixuxú!!: imprescindible pa entender lo que pasa n'Asturies (P$OE + especulación)

asturianrepublic @ 15:57

L'octavu programa de Fai! en Radio Sele con una perinteresante entrevista a Txomin Goñi Tirapu

Yá pues sintir na rede la octava edición de "Ixuxú!! - Magacín Sonoru Contrainformativu" que Fai! edita dende la emisora d'ondes llibre Radio Sele cola entrevista de más de 45 minutos al militante anti-especulación urbanística Txomin Goñi Tirapu, que participa n'AVALL y ACA, y que tuvo qu'enfrentase a un xuiciu por amosar nun plenu llaniscu una camiseta que dicía "La Talá ilegal".

Amás, otres noticies d'actualidá y más música.

[*+ ]

Entrevista a Txomin en

13/03/2009 GMT 1

Entrevista esencial pa entender lo que pasa n'Asturies esti domingu a les 19 hores en Radio Sele a Txomin (Agrupación Colectivos Asturianos)

asturianrepublic @ 14:05

Fai! emite'l domingu 15 de marzu a les 19hores una entrevista de 40 minutos con Txomin en Radio Sele

Esti domingu 15 de marzu, nel programa que biselmanalmente lleva alantre Fai! a les 19 hores en Radio Sele "Ixuxú!!-Magacín Sonoru Contrainformativu" va emitise una entrevista grabada d'unos 40 minutos con esti ciudadanu onde se fai un repás bien fondu de la problemática de la especulación y corrupción político-xudicial n'Asturies. Una amuesa real del podrederu nel que actúen instituciones, partíos, empreses y especuladores nesti país que quieren facer de la nuestra costa y los nuestros paisaxes el proyectu perfectu pa enllenase de perres.

Txomin Goñi ye'l presidente de l'Agrupación de Colectivos Asturianos (ACA) y representante de l'Asociación de Vecinos y Amigos de Llanes (AVALL) y va pa quince díes que vien desendolcando una fuelga de fame a les puertes de los xulgaos d'Asturies n'Uviéu como protesta énte'l xuiciu qu'entama esti llunes 16 de marzu y nel que se-y pidi una pena per parte del ayuntamientu llaniscu de 2 años y 5 meses por asoleyar una camiseta nun plenu col lema "La Talá ¡ilegal!" n'alusión a los proyeutos urbanísticos pa esta zona, declaraos de contino illegales en sentencies del tribunal supremu.

La entrevista emitiráse un día enantes de qu'a Txomin se lu xulgue por defender y protestar pacíficamente y en silenciu por un modelu económicu, social y d'ordenación de la tierra que ponga procuru pa col mediu ambiente y que s'alloñe de la corrupción y especulación urbanística.

Amás, el programa cuntará, como siempre, con munches más noticies d'Asturies y del mundu.

A les 19 hores nel 106.1 FM o www.radiosele.net

03/03/2009 GMT 1

Vidiu de l'aición el 23-F de Fai!

asturianrepublic @ 13:19

Archivu | ¡Crea'l to Blog yá! Fácil y de baldre