Triplemente reprimía: asturiana, d'esquierda y muyer

Fai! va entamar un CINEFÓRUM el sábadu 19 de xunetu a les 19.00 hores na carpa del Derramidea, espaciu dedicáu a movimientos sociales y o­nG’s, que tien por oxetu amosar l’exemplu d’una llucha contra la especulación urbanística y el neolliberalismu en L’Horta, comarca del País Valencià.

El documental, editáu en catalán col títulu de “Arrels de lluita” (“Raigaños de llucha” n’asturianu) foi asoleyáu pola organización de mocedá revolucionario “Maulets” y sedrá proyectáu nel festival Derrame Rock qu’entama esta fin de selmana en Pravia. Dempués de la proyeición fadráse un debate ente los y les presentes sobre’l futuru de les lluches pola defensa de la tierra y contra’l capitalismu xabaz n’Asturies y nel restu’l Planeta.

Asinamesmo, Fai! va tener instaláu un puestín de material na mesma carpa durante tola fin de selmana, o­nde van espardese panfletos, carteles y la nueva pegatina col lema “¡Defendi Asturies!” amás de poner a la venta chapes, camisetes y otru material de la organización.

Dende Fai! animamos a toles y tolos asistentes al macroconciertu de Pravia a involucrase colos movimientos sociales porque la folixa ye necesaria...pero siguir lluchando tamién ye la nuestra obligación.

Uviéu, 17 de xunetu de 2008.

Estaya de comunicación de Fai!