Fai! entama "Ixuxú!!" - Magacín sonoru contrainformativu en Radio Sele
La organización d'esquierda soberanista va entamar na radio llibre n'Asturianu, Radio Sele, nel 106.1, un programa que tien por nome "Ixuxú!! - Magacín Sonoru Contrainformativu". L'espaciu va tener, nun entamu, una periodicidá biselmanal y emitiráse los domingos a les 19 hores. Nel primer programa, habrá dos entrevistes a fondu cola xente del CSOA La Reflexón y AHT Gelditu Elkarlana!, plataforma d'Euskal Herria n'oposición al tren d'alta velocidá.
El programa va poder ser sintíu en direuto dende les 19 hores nel 106.1 FM y tamién al traviés de la rede, dende la propia páxina de Radio Sele. Nelli, trataráse l'actualidá d'Asturies y del mundu, faciendo siempre una entrevista a un coleutivu o plataforma asturiana y otra internacional, sobre temes d'especial interés nos que nos fixar n'Asturies.
Pa contautar col programa, pidir música, comentar entrugues o duldes etc. escribi a ixuxu@fai-asturies.org.
Les distintes ediciones del programa podrán ser escuchaes, tamién, dempués de la so emisión al traviés del web http://www.fai-asturies.org
Esbilla
del.icio.us