Fai! énte les eleiciones europées 2009
1. Refúguense les dinámiques político-económiques y, poro, les electorales, sociales y culturales, propies del modelu de la Europa del capital. La polarización de la riqueza y la perda de derechos, l’esbarrumbe natural -cada vegada más tapecíu- y l’aculturación y el glotocidiu son les coordenaes d’una Europa al debalu pel llibre mercáu, una xuntanza económica encontada n’estaos que reprimen naciones, pueblos y persones. Nesti mesmu sen, refúguense toles candidatures que nun tengan como Norte la llucha esplícita y en tolos frentes contra esta realidá.
2. Refúguense la llei de partíos y los intentos del españolismu d’illegalizar les idees, criminalizar y censurar candidatures, tamién equí n'Asturies, el mesmu españolismu al que-y presta qu’añeren les opciones fascistes nes cais y nel 7-X.
3. Refúgase la candidatura d’Esquerra, Chunta, BNG, EA y Aralar, qu’amás de francer el so proyectu orixinal d’una “Europa de los Pueblos”, nun dulda en plantegar una opción socialdemócrata y combayona cola Europa del Capital, qu'amás de dexar n’orsai a Asturies reabre un conflictu vieyu yá ente sectores esencialistes de los nacionalismos gallegu y asturianu.
4. Llaméntense les candidatures electorales per separtao d’UNA y Andecha Astur, organizaciones toes dos que Fai! tien n'estima pero que marafundien col enfrentamientu irracional d'anguaño la posibilidá de plantegar, nestes eleiciones nes qu'Asturies por sigo mesma nun cuenta, una opción unitaria del soberanismu d'esquierda asturianu onde participen los más de los actores políticos y sociales implicaos. Pola mesma razón, refúgase la participación del Bloque por Asturies en “La Izquierda”, entregando los sos activos al estatalismu decadente y seguidismu del PSOE qu'encarna Izquierda Unida.
5. Acuéise con interés la candidatura d’Iniciativa Internacionalista – La Solidaridá ente los Pueblos, pescudando que'l de so ye un apueste de resistencia énte la galerna eurocapitalista y españolista, un apueste porque les naciones y les persones, tamién les minorizaes nos sos derechos, cuenten auquiera que seya. Fai! echa en falta la presencia na candidatura de xente representativo d'Asturies pero entiende qu'esti espaciu podría llegar a ser válidu como sitiu pa la reflexón y l'alcuentru de les esquierdes soberanistes, entamando pel nuesu país, pa coordinase nacional ya internacionalmente más alló de les propies dinámiques electorales, siempre que seya esti un espaciu d'alderique, suma y acumulación de fuercies llibre de crítiques destructives o desmovilizadores.
Asamblea Xeneral de Fai!
Esbilla
del.icio.us
Nun fuistis vosotros los que marchasteis d'IAS porque nun querieis saber nada con Andecha?
quitando\'l polvu | 05-06-2009 - 10:39:13 GMT 1 #
Tais osesionaos con Andecha Astur, despue´s de qu'hasta salieren en defensa vuestra colo d'ANV. Hasta nel comunicáu d'esta xente tenéis que venir a emporcar. Los que marcharon d'IAS ficiéronlo ensin siguir na griesca y saliendo a trabayar muncho y honradamente non como vosotros, denunciando y mancando a más nun querer al que yera'l so partíu.
Lo que nun me presta d'esti comunicáu ye lo de que consideren al Bloque como "interllocutor" nel mesmu espaciu que los que tamos afuera del puestín.
A ver si quitáis el polvu y apegáis dalgún cartelu más, que nun esistís más allá de youtube, freakys.
Joder colos de la UNA | 05-06-2009 - 11:32:13 GMT 1 #
Esi espaciu soberanista del nacionalismu d'izquierda teneislu nes ociones polítiques esistentes, anque creo que la UNA mira tamien pa otros espacios y d'Andecha, le pierden les formes.
Entós Fai!, apueta por II pa estes elecciones, ya qu'AA nun la podeis nin ver, ?por eso colastiís d'IAS, non?, a la UNA tengo lleiu de nomalos "socialdemocrates" y a los d'II le cayeron menos critiques.
Agora fai falta que faigais autocritica, de si merez la pena siguir como tais, como un ñeru de collacios d'Uviéu y redolada y entamar a facer país, que fai falta
Más autocritica Fai! falta | 05-06-2009 - 11:45:56 GMT 1 #
Préstame que dende dientro daquién faiga autocrítica. Eso sí, camiento que non por más xustificaes les crítiques al proyeutu d'UNA y AA per parte de FAI se va a iguar el problema. De toes maneres alégrome de que fale daquién del problema AA-UNA dende la proximida ideolóxica.
Como de xuru que nun s'igüen les coses ye entrando perequí a falar mal los d'UNA de los d'AA y FAI, los de FAI d'AA y UNA y los d'AA d'UNA y de FAI. Terminoloxíes del tipu "ñeru de collacios", "socialdemócrates", "talibanes" etc dan putu ascu.
Salú!
Tortu | 05-06-2009 - 12:00:31 GMT 1 #
Una postura previsible, que contenta a toos, nun pidiendo’l votu pa naide pero criticando y valorando cosuques acuyá...viendo ónde tan Jaleo!!, la Cucha independentista aragonesa (Chobenalla), les CUP, Endavant, , AMI, Briga, Adiante, Agora País Llionés, Yesca, APCanaria...
¿Por qué ye más "asturiana" una llista d’Europa de los Pueblos, coalición na que quixeron tar AA y UNA y de la que se los echó vergoñosamente qu’esta otra?
VOTÁI II-SP, AA O UNA, pero VOTÁI y vémonos toos y toes l’ocho de xunu!
XUNIDÁ YÁ.
CONGRESU FUNDACIONAL DE LA ESQUIERDA NACIONAL ASTURIANA YÁ!
Salia | 05-06-2009 - 12:54:07 GMT 1 #
Concretamente'l puntu "4" ta preñáu de sentíu común y pienso que lu suscribiríen una mayoría de los nacionalistes asturianos.
El xanu\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ | 05-06-2009 - 12:58:23 GMT 1 #
Falaron os esencialistas que promoven a censura nos foros da rede como fan membros de Fai. De que ides? Combayona? E vós? Metervos nos vosos asuntos e deixa de críticas infantís. Patéticos.
André | 05-06-2009 - 13:06:43 GMT 1 #
El puntu 4 viniendo de la boca de FAI! ye'l descoyone.
Los d'Andecha quedándose coles siegles y diciendo que nun queríen saber nada colos españoles d'IAS.
Los de FAI! marchando d'IAS porque nun queríen saber nada colos guarros, simplayos y fatinos d'Andecha.
Y agora del palu d'iiiiii, y con Pin Bermeyu diciendo que'l puntu 4 ta preñáu de sentíu común. Perdonaime, DESCOYÓNOME.
sacando brillo | 05-06-2009 - 17:12:17 GMT 1 #
Nin Andecha nin UNA merecen el votu nunes eleiciones que nin siquiera van valir pa "enseñáse" na sociedá asturiana. Namás hai que ver lo que faen UNOS (www.aruelu.com)que van en federación con ESTOS(www.asturies.com) y lo que faen OTROS (www.infoasturies.net).
Eso sí, como'l so oxetivu ye sacar 1 votu más que l'otru partíu...toi pensando en votar mañana a ún de los dos. A poco que convenza a la mio tía y a mio güela sacamos el doble que los vendíos/traidores/talibanes de los d'enfrente y algamaremos ser, por fin, EL REFERENTE.
Esllaba cibernética, cuatro cartelos mal pegaos con escobes apolillaes y cubos de cola disuelto en mexu.
Poliéndo\\\\\\\'l suelu | 05-06-2009 - 17:35:39 GMT 1 #